Н.Алшынов атындағы Жалаулы орта мектебінде "Шатырлы кешен" атты лагері өткен оқу жылынын жазғы демалысында бастау алған. Дәстүрге айналған шатырлы кешенді биылғы оқу жылының аяқталуына және жазғы демалыстың жоспарына сай жалғастырдық. Шатырлы кешен - балалар үшін ашық ауада демалып, денсаулықтарын нығайтуға тамаша мүмкіндік. Біздің мектеп оқушылар үшін осындай тамаша демалыс түрін жалғастыруды шешті. Бұл кешеннің мақсаты: Шатырлы кешен арқылы оқушыларды табиғатта серуендеп, таза ауада денсаулықтарын шындандыруға жағдай жасау. Шатырды құруға оқушылар аса қызығушылықпен көмектесті. Әр шатырды құру әр балаға жақсы эмоция қалыптастырғаны көрінді. Демалыс барысында балалар әлеуметтік әлемнен қашықтықта болып, табиғаттың қыр-сырымен танысып, тәжірибе жасауға жақсы мүмкіндік болды. Сонымен қатар олардың мінез-құлықтарына жағымды әсерін тигізді. Балалар табиғатқа өте жақын, табиғатқа серуендеуге шығуды ұнатады. Кешенде оқушылар өз елінің табиғатын тамашалауға экскурсия жасады және түрлі эстафеталық жарыстар ойнады. Үлкендермен бірге ойнаған эстафеталық ойындар оқушылардың есінде көпке дейін сақталмақ. Ол кездегі балалардың көңіл-күйі, жеңіске деген құлшынысы бәрі-бәрі жоғары деңгейде болды. Сол сияқты арқан тарту ойыны да өте тартымды болды. Оқушылардың демалысымен бірге тамақтануы да ойластырылды. Соңында балалар өз шатырында дастархан жайып ауқаттанды. "Шатырлы кешен" оқушыларға тамаша көңіл-күй сыйлады.
